ISFED: გარე დაკვირვების უბნების 20%-ზე, 100 მეტრამდე პერიმეტრში, შეინიშნებოდა პირთა საეჭვო შეკრება
"სამართლიანი არჩევნების" 19:00 საათისთვის დაფიქსირებულ დარღვევებსა და საარჩევნო აქტივობაზე მონაცემებს აქვეყნებს.
ორგანიზაციის გარე დაკვირვების სტატისტიკა PVT-ის შედეგებზე დაყრდნობით ასეთია:
გარე დაკვირვების უბნების 20%-ზე, 100 მეტრამდე პერიმეტრში, შეინიშნებოდა პირთა საეჭვო შეკრება. უბნების 8.3%-ზე შეკრება 100 მეტრის გარეთ ხდებოდა;
გარე დაკვირვების უბნების 13.3%-ზე, 100 მეტრამდე პერიმეტრში მიმდინარეობდა ამომრჩეველთა სახელობითი აღრიცხვა, პარტიის, არასამთავრობო ორგანიზაციის ან სხვის მიერ. უბნების 4.2%-ზე აღრიცხვა ხდებოდა 100 მეტრის გარეთ;
უბნების 18.3%-ზე შეინიშნებოდა ამომრჩეველთა ორგანიზებული და არაერთჯერადი მობილიზება/ტრანსპორტირება საარჩევნო უბანზე ხმის მისაცემად;
მონაცემები შედგენილია შერჩევით შერჩევაში მოხვედრილი 121 უბნიდან მიღებული ინფორმაციის მიხედვით.
დარღვევები
დღის 19:00 საათისთვის „სამართლიანი არჩევნების“ დამკვირვებლების მიერ დაფიქსირებულია შემდეგი სახის დარღვევები:
ამომრჩეველთა აღრიცხვა უბნის შიგნით
პირადობის მოწმობის გარეშე ხმის მიცემა /უბნის ბათილობის საფუძველი
ხმის მიცემის ფარულობის დარღვევა
დამკვირვებლის უფლებების დარღვევა
დამკვირვებლის მიერ კომისიის საქმიანობისთვის ხელის შეშლა
ამომრჩეველთა სიასთან დაკავშირებული დარღვევები
მარკირების წესის დარღვევა
საარჩევნო დოკუმენტაციასთან დაკავშირებული ხარვეზები
გადასატან ყუთთან დაკავშირებული დარღვევები