გორის სკოლების მასწავლებელთა 65% კლასებში მოსწავლეების დაბრუნებას ვაქცინირებული შეხვდა
ნანა ტერმაკოზაშვილის, გორის მუნიციპალიტეტის საგანმანათლებლო რესურსცენტრის ხელმძღვანელის განაცხადებით, გორის მუნიციპალიტეტის სკოლების პედაგოგთა დაახლოებით 65%-ს კორონავირუსის საწინააღმდეგო ვაქცინით აცრილია.
„იმ სკოლებში, რომლებშიც საარჩევნო უბნებები იყო განთავსებული, ჩატარდა დეზინფექცია. გვყავს ონლაინკლასებში დარეგისტრირებული მოსწავლეებიც, რომელთაც სურვილი გამოთქვეს დისტანციურ სწავლებაზე”, – აცხადებს ნანა ტერმაკოზაშვილი.
საჯარო და კერძო სკოლების საკლასო ოთახებში, სასწავლო პროცესი 4 ოქტომბრიდან განახლდა. 4 ოქტომბერს გორის მუნიციპალიტეტის სკოლებში 1 765 პირველკლასელი მივიდა.
დღეიდან, 4 ოქტომბრიდან საქართველოს სკოლები და უმაღლესი და პროფესიული სასაწავლებლები არადისტანციურ, დასწრებულ სწავლებას დაუბრუნდნენ. სასწავლო პროცესი საკლასო ოთახებსა და აუდიტორიებში გაგრძელდება. დღეიდან მუშაობა განაახლეს საბავშვო ბაღებმა და ბავშვთა გასართობმა ცენტრებმაც.