შარლ მიშელი წერს რეფორმებთან დაბრუნების აუცილებლობაზე
„მე მინდა შევაქო ყველა ქართველი, რომელმაც ხმა მისცა ადგილობრივი არჩევნების პირველ ტურში. აუცილებელია, რომ ქვეყნის ფოკუსი დაუბრუნდეს საფუძვლიან სტრუქტურულ რეფორმებს, როგორც ეს მოცემულია 19 აპრილის შეთანხმებაში, განსაკუთრებით კანონის უზენაესობისა და სასამართლო სფეროში", - აცხადებს შარლ მიშელი.
პარტიამ „ქართული ოცნება-დემოკრატიული საქართველო“ 28 ივლისს გამოაცხადა, რომ შარლ მიშელის შეთანხმება ანულირებულია
2 ოქტომბრის არჩევნებზე საქართველოში საარჩევნო უბნების 100 პროცენტში ბიულეტენები სრულად დათვლილია. ყველაზე მეტი ხმა მმართველ პარტიას აქვს, შემდეგ ადგილზეა "ნაციონალური მოძრაობა".
ცენტრალური საარჩევნო კომისიის წინასწარი მონაცემების თანახმად, თბილისში მერის არჩევნების მეორე ტური გაიმართება მმართველი პარტიის კანდიდატის კახა კალაძისა (44.97%) და გაერთიანებული ოპოზიციის კანდიდატის, ნიკა მელიას (33.98) მონაწილეობით.