რუსეთმა არ შეასრულა რასიზმისა და შეუწყნარებლობის წინააღმდეგ ბრძოლის ევროპული კომისიის რეკომენდაციები
ეს შუალედური რეკომენდაციებია, რომლებიც ევროპულმა კომისიამ 2019 წლის მარტში შეადგინა რუსეთში უკანასკნელი დიდი მონიტორინგის დროს.
რუსეთის ხელისუფლება არ აპირებს მათ შესრულებას. მისი აზრით, რუსეთში პოლიციაზე კონტროლი უკვე უზრუნველყოფილია. ამით დაკავებულია გენერალური პროკურატურა, ასევე საზოგადოებრივი ორგანიზაციები, მაგალითად, „რუსეთის ფედერაციის საზოგადოებრივი პალატა“.
ჰომოსექსუალობის თაობაზე რეკომენდაციებს რუსეთის მოხელეებმა უწოდეს „რუსეთის საკანონმდებლო სისტემისთვის სრულიად არარელევანტური“. მათ დაიმოწმეს კონსტიტუცია, რომლის თანახმად, ოჯახისა და ოჯახური ღირებულებების მხარდაჭერა, გაძლიერება და დაცვა ქვეყნის მთავრობის ერთ-ერთი მთავარი ამოცანაა.
რასიზმისა და შეუწყნარებლობის წინააღმდეგ ბრძოლის ევროპული კომისია ევროპის საბჭოს მიერაა დაფუძნებული. ეს არის ადამიანის უფლებების დამცველი დამოუკიდებელი ორგანო, რომელიც სპეციალიზებულია ევროპაში რასიზმის, დისკრიმინაციის, ქსენოფობიის, ანტისემიტიზმისა და შეუწყნარებლობის პრობლემებზე. კომისია რეგულარულად აქვეყნებს ანგარიშებს ამ თემებზე და რეკომენდაციებს აძლევს ევროპის საბჭოს წევრ ქვეყნებს.