თამარ ჟამურაშვილი: …ამიერიდან ყველა ექიმის რეკომენდაცია საეჭვოდ უნდა მიიჩნიონ და იფიქრონ რომ ფულის გამო ურჩევენ?!
0
“არ ვიცი ვისი ინიციატივაა, მაგრამ აშკარად გაუაზრებელია, მსუბუქად რომ ვთქვათ!
პაციენტებს ექიმების რა ნდობაც შერჩენიათ, იმასაც ვართმევთ ასეთი მიდგომით ფაქტიურად! გამოდის, ამიერიდან ყველა ექიმის რეკომენდაცია საეჭვოდ უნდა მიიჩნიონ და იფიქრონ რომ ფულის გამო ურჩევენ?!
ისედაც ფიქრობს ზოგიერთი, რომ ვაქცინაციის პროპაგანდაში ფულს გვიხდიან და ანუ უნდა დაუდასტურდეთ ეს ტუტუცური აზრი?
ოჯახის ექიმებს ტრენინგი და ინფორმირება და არა ფულადი დაინტერესება სჭირდებათ. მე პირადად, როგორც ექიმი თავს შეურაცხყოფილად ვიგრძნობდი ამ სასაცილო აქციაში რომ მოვიაზრებოდე!!” – წერს სოციალურ ქსელში გერმანიის შარიტეს საუნივერსიტეტო კლინიკის ექიმი, თამარ ჟამურაშვილი.
შეგახსენებთ, რომ ჯანდაცვის მინისტრის პირველმა მოადგილემ თამარ გაბუნიამ საკოორდინაციო საბჭოს შემდგომ გამართულ ბრიფინგზე განაცხადა: ოჯახის ექიმი და ექთანი, რომელთა რეკომენდაციითაც 60 წელს ზემოთ მოქალაქეები აიცრებიან, დამატებით ანაზღაურებას მიიღებენ.