ექიმის შეფასებით, ბათუმში ნანგრევებიდან ამოყვანილი კაცის მდგომარეობა მძიმეა
ბათუმში კორპუსის ნანგრევებიდან ამოყვანილი კაცის მდგომარეობა მძიმეა. პაციენტის მდგოამრეობაზე მედცენტრის დირექტორმა მედეა ქაჯაიამ ისაუბრა.
"შემოსვლის დროს მისი მდგომარეობა მძიმე იყო, გამოხატული იყო ტრამვული შოკი, სხეულის ზოგადი დაჟეჟილობა, გულ-მკერდის დახურული ტრავმა, მარცხენა კოჭის ღია მოტეხილობა. პაციენტს გაეწია გადაუდებელი დახმარება და მიმდინარეობს საჭირო კვლევები", - თქვა კლინიკის დირექტორმა.
თითქმის 11-საათიანი სამაშველო სამუშაოების შემდეგ ბათუმში ჩამონგრეული კორპუსის ნანგრევებიდან ამოყვანილი კაცი მეორეა, ვინც მაშველებმა გადაარჩინეს. დაახლოებით ორი საათის წინ მაშველებმა კიდევ ერთი ადამიანი, 35 წლის ქალი გადაარჩინეს. მისი მდგომარეობაც მძიმეა.
მაშველები ისევ განაგრძობენ მუშაობას ბათუმში ჩამონგრეული კორპუსის ადგილზე. დაუზუსტებელი ინფორმაციით, 10-15 პირი მოჰყვა ნანგრევებში.
ბათუმში, 26 მაისის ქუჩაზე მრავალსართულიანი კორპუსი შუადღუს 12 საათამდე ჩამოინგრა. მისი ერთი სადარბაზო სრულად ჩამოშლილია. ადგილზე მისულია სასწრაფო დახმარების, სამაშველო სამსახურებისა და პოლიციის ჯგუფები.
როგორც რადიო თავისუფლების ადგილობრივი კორესპონდენტი ამბობს, 70-იანი წლების ბოლოს აშენებულ 5-სართულიან კორპუსს ორი სართული რამდენიმე წლის წინ დააშენეს. შენობის მეორე სართულზე მიმდინარეობდა სარემონტო სამუშაოები.