უზბეკეთის საგარეო საქმეთა მინისტრმა თალიბანის ლიდერებთან თანამშრომლობის საკითხები განიხილა

ეკონომიკური თანამშრომლობის საკითხები იყო ყურადღების ცენტრში ქაბულში, უზბეკეთის საგარეო საქმეთა მინისტრის აბდულაზიზ კამილოვის სამუშაო ვიზიტის დროს. 7 ოქტომბერს კამილოვი ცალ-ცალკე შეხვდა თალიბანის ხელმძღვანელობით მოქმედი მთავრობის მეთაურის მოვალეობის შემსრულებელს, მოლა აბდულ კაბირსა და მოქმედ საგარეო საქმეთა მინისტრ, ამირ ხან მუთაქის.




უზბეკეთის საგარეო საქმეთა სამინისტროს მიერ გავრცელებული ცნობის თანახმად, შეხვედრის დროს უზბეკმა მინისტრმა მიიღო „მკაფიო დაპირება“, რომ ექსტრემისტული დაჯგუფება არასოდეს შეუქმნის საფრთხეს უზბეკეთს.


როგორც ამირ ხან მუთაქიმ უთხრა შეხვედრის დასრულების შემდეგ ჟურნალისტებს თალიბანის ესწრაფვის ურთიერთობების გაღრმავება უზბეკეთთან, განსაკუთრებით ეკონომიკური პროექტების განვითარებას.




თალიბანს სურს დაარწუნოს მისი მეზობლები ცენტრალურ აზიაში, რომ ავღანეთი მათთვის არ წარმოადგენს საფრთხის წყაროს მას შემდეგ, რაც თალიბებმა ქვეყანაში ხელთ იგდეს ძალაუფლება.


8 ოქტომბერს ცნობილი გახდა, რომ რუსეთის მთავრობა რადიკალური მოძრაობა თალიბანის წარმომადგენლებს მიიწვევს მოსკოვში, სადაც 20 ოქტომბერს უნდა ჩატარდეს ავღანეთის შესახებ ე.წ. მოსკოვის ფორმატის სხდომა. თალიბების მიწვევის განზრახვა ჟურნალისტებს დაუდასტურა ავღანეთის საკითხებში რუსეთის პრეზიდენტის სპეციალურმა წარმომადგენელმა, ზამირ კაბულოვმა. მას არ დაუკონკრეტებია, ვინ იქნება თალიბთა დელეგაციის შემადგენლობაში.