კორონავირუსის პანდემიის გამო ვლადიმირ პუტინმა ქვეყანაში ერთკვირიანი დასვენება გამოაცხადა
სამი დღე, 3-დან 4 ნოემბრამდე, რუსეთში ისედაც უქმე დღეებად იყო გამოცხადებული, მაგრამ პუტინის ბრძანებით ამას დაემატა კიდევ სამი სამუშაო დღე, რათა ხელისუფლებამ მოახერხოს კორონავირუსის ზრდის ტენდენციის შეჩერება.
ამ გადაწყვეტილების ფონია სავალალო ეპიდემიური ვითარება. განვლილი დღე-ღამის განმავლობაში რუსეთში კორონავირუსით 1028 ადამიანი გარდაიცვალა. ოპერატიული შტაბის სტატისტიკა მოიცავს ასევე რუსეთის მიერ ანექსირებულ ყირიმის ნახევარკუნძულს.
20 ოქტომბრის მდგომარეობით, ქვეყანაში გამოვლინდა კორონავირუსით დაავადების 34073 ახალი შემთხვევა. ეპიდემიის განმავლობაში რუსეთში კორონავირუსით სულ დაინფიცირდა 8 მილიონზე მეტი ადამიანი, ხოლო 226 353 - გარდაიცვალა. მაგრამ დემოგრაფების სტატისტიკით, რომელიც „როსსტატის“ მონაცემებს ეყრდნობა, ეს რიცხვი დაახლოებით სამჯერ მეტია და 690 000-ს აღწევს.