ნიკა მელიამ თბილისის მერის მოადგილეობის კანდიდატად მამუკა ხაზარაძე წარადგინა
„ადამიანი, რომლის თბილისელების გვერდში დგომა, მე, როგორც ამ ქალაქში დაბადებულ ერთ ადამიანს, მაძლიერებს", - თქვა მელიამ ხაზარაძის შესახებ.
მამუკა ხაზარაძის განცხადებით, ყველა პროფესიონალი, რომელიც „ქართული ოცნების“ მმართველობის დროს მერიაში მუშაობს, შეინარჩუნებს ადგილს.
ნიკა მელია აცხადებს, რომ გამარჯვების შემდეგ დატოვებს „ერთიანი ნაციონალური მოძრაობის" თავმჯდომარის თანამდებობას და მხოლოდ პარტიის წევრად დარჩება.
მელიას თქმით, ყველა პრობლემის გზა არის მრავალფეროვნება, მიუხედავად იმისა, ის მასშტაბურია თუ მცირე. როგორც ის აღნიშნავს, ისტორიაში პირველად თბილისის ადგილობრივ ხელისუფლებაში იქნება კოალიციური გუნდი.
არჩევნების მეორე ტური, რომელშიც მელიას კონკურენტი იქნება მმართველი პარტიის კანდიდატი კახა კალაძე, 30 ოქტომბერს გაიმართება.