ნიკა მელია: დარწმუნებული ვარ, გამარჯვებისთანავე შეწყვეტს სააკაშვილი შიმშილობას
"30 ოქტომბერი არის 5 დღეში. ბევრი რომ არ ვისაუბრო, პირდაპირ ვიტყვი. გამარჯვება ავტომატურად გულისხმობს მიხეილ სააკაშვილის გადარჩენას, მისი სიცოცხლის გადარჩენას. მე დარწმუნებული ვარ, გამარჯვებისთანავე მიხეილ სააკაშვილი შეწყვეტს შიმშილობას. ამაში დარწმუნებული ვარ. მანდ იქნება ტექნიკური საკითხები მოსაგვარებელი. ამასთან დაკავშირებით საუბარი არ მქონია, [მაგრამ] დარწმუნებული ვარ", - თქვა მელიამ.
30 ოქტომბერს არჩევნების მეორე ტური იმართება 20 ქალაქში, მათ შორის ხუთივე თვითმმართველ ქალაქში - თბილისში, ბათუმში, ქუთაისში, რუსთავსა და ფოთში.
საქართველოს მესამე პრეზიდენტი მიხეილ სააკაშვილი კი საქართველოში თვითმმართველობის არჩევნების გამართვამდე რამდენიმე დღით ადრე დაბრუნდა. ის 1 ოქტომბერს, არჩევნების წინა დღეს დააკავეს. ის დაკავების დღიდან შიმშილობს და სასამართლოს წინაშე, როგორც ის ამბობს, სიმართლის სათქმელად წარდგენა სურს.