Facebook-მა კორპორატიული სახელწოდება შეიცვალა
სოციალური ტექნოლოგიების კომპანია Facebook-მა შეიცვალა კორპორატიული სახელწოდება და 28 ოქტომბრიდან მას Meta ერქმევა.
ამის შესახებ კომპანია ფეისბუკი დამაარსებელმა მარკ ზაკერბერმა კომპანიის საიტის პრეზენტაციის დროს განაცხადა. მისი თქმით კომპანიას სურს, რომ იგი ასოცირდებოდეს მეტასამყაროსთან და არა Facebook-თან.
„Facebook-ი ეს არის სოციალური ქსელების საკულტო ბრენდი, მაგრამ იგი მეტწილად უბრალო ვერ მოიცავდა ყველაფერ იმას, რასაც ჩვენ ვაკეთებთ“, - განაცხადა ზაკერბერგმა.
მის თქმით ახალი სახელწოდების ქვეშ Meta თავს მოიყრის ყველა სოციალური ქსელი და პლატფორმა - Facebook-ი, Instagram-ი და WhatsApp-ი, რომლებიც საკუთარ სახელწოდებებს შეინარჩუნებენ.
სახელწოდების შეცვლა ხდება იმ დროს, როდესაც ფეისბუკი ბოლო ხანს წააწყდა სერიოზულ კრიზისს საზოგადოებრივ ურთიერთობებში.
კვირის დასაწყისში ამერიკულ მედიაში გამოქვეყნდა რამდენიმე მასალა საერთო სათაურით „ფეისბუკის დოსიე“, რომელიც კომპანიის ყოფილი თანამშრომლის, ფრენსის ჰაუგენის ინტერვიუს და მის მიერ გაჟონილ შიდა დოკუმენტებს ეყრდნობა.
ამ მასალების თანახმად ირკვევა, რომ სოციალური ქსელი შლის მხოლოდ 5%-ს ისეთი გამონათქვამებისა, რომლებიც სიძულვილს აღვივებენ. მაშინ, როცა მარკ ზაკერბერგმა 2020 წელს აშშ-ის კონგრესს მოახსენა, რომ იშლება მსგავსი ინფორმაციის 94%-ს.
გლობალური სოციალური ქსელის ფეისბუკის დამფუძნებელმა, მარკ ზაკერბერგი ცილისწამება უწოდა კომპანიის მიმართ გამოთქმულ ბრალდებებს და განაცხადა, რომ გაჟონილი დოკუმენტების შერჩევით გამოყენება „სურათის დამახინჯებას“ ისახავს მიზნად.