Facebook-ის ახალი სახელი ცნობილია

საქართველოში ერთ-ერთ ყველაზე პოპულარულ საერთაშორისო სოციალურ ქსელ Facebook-ს სახელი ეცვლება. ინფორმაცია ოფიციალურად უკვე დადასტურდა და ცნობილია, რა ერქმევა ახლა.

Meta - ერქმევა კომპანიას, რომელიც ერთდროულად გააერთიანებს Facebook-ს, Instagram-ს, Messenger-სა და WhatsAppს. უშუალოდ აპლიკაციების დასახელება კი არ შეიცვლება.

"მეტავერსიაში თქვენ შეძლებთ [ვირტუალურად] გააკეთოთ თითქმის ყველაფერი, რისი წარმოდგენაც კი შეგიძლიათ მეგობრებთან და ოჯახთან ერთად - იმუშაოთ, ისწავლოთ, ითამაშოთ, გაყიდოთ... ჩვენი როლი ამ მოგზაურობაში არის ფუნდამენტური ტექნოლოგიების, სოციალური პლატფორმების და კრეატიული ინსტრუმენტების განვითარების დაჩქარება... ჩვენ გვჯერა, რომ მეტავერსიას შეუძლია შექმნას უკეთესი სოციალური გამოცდილება, ვიდრე ყველაფერი, რაც დღეს არსებობს..." - განაცხადა Facebook-ის დამფუძნებელმა მარკ ზაკერბერგმა.

მისი თქმით, დღეს მათი კომპანიის ბრენდი ("ფეისბუკი") იმდენად არის დაკავშირებული ერთ პროდუქტთან, რომ არ ასახავს იმ ყველაფერს, რასაც დღეს აკეთებენ. სწორედ ესაა მიზეზი, რის გამოც კომპანიას სახელი ეცვლება.

"ჩვენ არ ვაშენებთ სერვისებს ფულის გამომუშავებისთვის, ჩვენ ფულს ვშოულობთ უკეთესი სერვისების შესაქმნელად... ჩვენი მისია იგივე რჩება - ის მაინც ხალხის გაერთიანებას ეხება... ახლა კი ჩვენ გვაქვს სახელი, რომელიც ასახავს იმას, რასაც ვაკეთებთ", - თქვა ზაკერბერგმა.

ინფორმაცია Facebook-ის სახელის ცვლილების შესახებ რამდენიმე დღის წინ გავრცელდა, ამ დრომდე არ იყო ცნობილი, რა ერქმეოდა კომპანიას, რომელიც რამდენიმე სოციალურ ქსელს გააერთიანებდა.