სოფელ შქმერში ბუნებრივი წიაღისეულის მოპოვების სამუშაოები გააპროტესტეს

რაჭაში, ონის მუნიციპალიტეტის სოფელ შქმერში 21 ნოემბერს  საპროტესტო აქცია ჩატარდა. აქციის მონაწილეები იმ გადაწყვეტილების წინააღმდეგ გამოდიან, რომლის მიხედვითაც, შქმერში ბუნებრივი წიაღისეულის მოპოვების მიზნით, 150 ჰექტარი ტერიტორია უნდა გადაითხაროს.


აქციის მონაწილეების ინფორმაციით, მანგანუმის მოპოვების დაწყების შემდეგ, ისტორიული სოფელი ნასახლარებად გადაიქცევა, შეიცვლება კლიმატი და დაბინძურდება ჰაერი. სსიპ წიაღის ეროვნულმა სააგენტომ სოფელ შქმერის მიმდებარე ტერიტორიაზე მანგანუმის შესწავლა - მოპოვების მიზნით 10 წლის ვადით სასარგებლო წიაღისეულის მოპოვების ლიცენზია გასცა.