ეკა ხერხეულიძე: გენერალი გიგი კალანდაძე თავისუფალია
ფრაქცია „ერთიანი ნაციონალური მოძრაობის" წევრი ეკა ხერხეულიძე „ფეისბუკის" პირად გვერდზე წერს, რომ გენერალი გიგი კალანდაძე თავისუფალია.
გიგი კალანდაძე 19 დეკემბერს ბერლინის აეროპორტში დააკავეს, როცა ის მეუღლესთან ერთად გერმანიიდან უკრაინაში ბრუნდებოდა.
საქართველოს მთავარმა პროკურატურამ 20 დეკემბერს დაადასტურა მანამდე მედიით გავრცელებული ინფორმაცია, რომ გენერალი კალანდაძე გერმანიაში ქართული მხარის მოთხოვნით დააკავეს და იქვე გამოითქვა იმედი, რომ პროცესი საქართველოში მისი ექსტრადიციით დასრულდება.