ყაზახეთში იანვრის მოვლენების დროს დაღუპულთა ხსოვნის აქციაზე ქვეყნის პრეზიდენტის გადადგომა მოითხოვეს
ყაზახეთის ქალაქ ალმათიში ათობით ადამიანი (ზოგიერთი საინფორმაციო წყაროს ცნობით რამდენიმე ასეული) გამოვიდა რესპუბლიკის მოედანზე თავისუფლების მონუმენტთან, რათა ხელისუფლების აკრძალვის მიუხედავად პატივის მიეგოთ იანვრის მოვლენების დროს დაღუპულთა ხსოვნისათვის და მოეთხოვათ ხელისუფლებისგან დაკავებულთა წამების შეწყვეტა.
როგორც რადიო თავისუფლების ყაზახური სამსახური იუწყება, მონუმენტის წინ შეკრებილ რამდენიმე დემონსტრანტს ხელთ ეპყრათ ქვეყნის მოქმედი პრეზიდენტის საწინააღმდეგო ტრანსპარანტი წარწერით „ტოყაევ, წადი!“ შენ მთელ ქვეყანას სძულხარ“.
ამგვარადა დემონსტრანტები ითხოვდნენ პრეზიდენტ ყასიმ-ჟომარტ ტოყაევის გადგომას და ვადამდელი საპრეზიდენტო არჩევნების დანიშვნას.
ქვეყნის გენერალური პროკურატურის ინფორმაციით, იანვრის საპროტესტო აქციების დროს სულ 225 ადამიანი დაიღუპა, კიდევ 4.5 ათასი კი დაშავდა. 18 იანვარს ყაზახეთის ჯანდაცვის მინისტრმა აჟარ გინიატმა ბრიფინგზე განაცხადა იმ ორი დაშავებულის გარდაცვალების შესახებ, რომლებიც რეანიმაციაში იმყოფებოდნენ. ამრიგად, დაზარალებულთა ოფიციალური წინასწარი რაოდენობა 227-მდე გაიზარდა.
ხელისუფლებას არ გამოუქვეყნებია დაზარალებულთა სახელები, მიუხედავად უფლებადამცველების მოწოდებებისა, გაათავისუფლონ დაღუპულთა სახელები და გვარები და მიაწოდონ ინფორმაცია მათი გარდაცვალების გარემოებების შესახებ.