რადიო აჭარის პროდიუსერი: ოთხმა რუსმა ბიუროში თარჯიმანს სცემეს, უკრაინის დროშა ჩამოხიეს

რადიო აჭარის პროდიუსერის, დათო ტრაპაიძის თქმით, მისი ცოლის ოფისში, თარჯიმანთა ბიუროში ოთხმა რუსმა თარჯიმანს სცემა. მისი ინფორმაციით, ოკუპანტი ქვეყნის მოქალაქეებმა გააპროტესტეს უკრაინის დროშა წარწერით – Русский военный корабль иди на Х*Й.

“ჩამოხიეს, ატეხეს აყალმაყალი, ხელით შეეხნენ, დაარტყეს თარჯიმანს. ოთხი რუსი (ორი ქალი და ორი კაცი) ორი გოგოს წინააღმდეგ. გოგოებმა გამოიძახეს პოლიცია და ეს პროცესიც უკვე იქ გაგრძელდა” – წერს ტრაპაიძე.

რადიო აჭარის პროდიუსერის თქმით, ბათუმის პოლიციის მესამე განყოფილებაში ჩვენებები მისცეს.

“ახლა პოლიციას დაველოდებით.

• სამუშაო პროცესში ხელის შეშლა;
• სხვისი ნივთის ხელყოფა;
• ფიზიკური შეურაცხყოფა; თან ემუქრებოდნენ, სათარჯიმნო საქმიანობაში სამომავლოდ ხელის შეგიშლითო. ვიტყვით, რომ ცუდები ხართო, კლიენტებს დაგიფრთხობთო. ხოდა ასე. ამათ ვერ გაურკვევიათ, სად ჩავარდნენ… გავარკვევთ. რუსი რუსია, ზნე არ იცვლება. საქმეს მივყვებით ბოლომდე” – წერს ტრაპაიძე.