მამაკაცმა მეუღლე საზოგადოებრივ ტრანსპორტში დაჭრა - ქალი ადგილზე გარდაიცვალა

"ქმარმა შვილების თვალწინ ცოლს ყელი გამოჭრა ავტობუსში" - დაწერა სოციალურ ქსელში პოეტმა ზაზა კოშკაზემ.


ის შემთხვევის ადგილზე მაშინ მოხვდა, როდესაც სასწრაფო ქალის გადარჩენას ცდილობდა. პოლიცია კი მამაკაცს აკავებდა.


შემთხვევას ადასტურებს შინაგან საქმეთა სამინისტრო. მათი ინფორმაციით, გამოძიება საქართველოს სისხლის სამართლის კოდექსის 11 პრიმა 109-ე მუხლით მიმდინარეობს, რაც ოჯახის წევრის მიმართ დამამძიმებელ გარემოებებში ჩადენილ განზრახ მკვლელობას გულისხმობს.