ავსტრალიაში საპარლამენტო არჩევნები ლეიბორისტულმა პარტიამ მოიგო
დღემდე მმართველი, პრემიერ-მინისტრ სკოტ მორისონის, კონსერვატიული პარტია 55 მანდატს დასჯერდება. აბსოლუტურ უმრავლესობისთვის 151 მანდატიან პარლამენტში საჭიროა 76 ხმა. ხმების საკმაო ნაწილი ხვდათ წილად დამოუკიდებელ კანდიდატებს და მცირე პარტიებს.
პრემიერ-მინისტრმა, მორისონმა, მარცხი აღიარა და კონსერვატიული, ლიბერალური პარტიის თავმჯდომარის თანამდებობად გადადგა. მისმა სამთავრობო კოალიციამ ავსტრალია ცხრა წელი მართა. ითვლება, რომ მისი მმართველობის დროს სათანადო ყურადღება არ ექცეოდა კლიმატის დაცვას.
გამარჯვებული პარტიის ლიდერმა, ალბანიზმა, თანამოქალაქეებს აღუთქვა, რომ კლიმატის პოლიტიკაში კურსს შეცვლის და ავსტრალიას განახლებადი ენერგიების „სუპერსახელმწიფოდ“ გადააქცევს.
ავსტრალიაში ხმის მიცემის უფლების მქონეთა რიცხვი 17 მილიონს აღწევს. ამ ქვეყანაში არჩევნებში მონაწილეობა სავალდებულოა.