ერ-რიადი: უკრაინაში ტყვედ აყვანილი 10 პირი საუდის არაბეთში გათავისუფლდა

უკრაინაში ტყვედ აყვანილი ათი ომის პატიმარი საუდის არაბეთში გადაიყვანეს, რაც ნაწილია რუსეთსა და უკრაინას შორის გაცვლის პროცესისა - იუწყება საუდის არაბეთის საგარეო საქმეთა სამინისტრო.


გათავისუფლებულ პატიმრებს შორის არიან აშშ-ის, ბრიტანეთის, შვედეთის, ხორვატიის და მაროკოს მოქალაქეები, ამბობს სამინისტრო 21 სექტემბერს გავრცელებულ განცხადებაში, რომლის თანახმადაც საუდის არაბეთის ხელისუფლებამ პატიმრები "მიიღო და ისინი რუსეთისგან გადაიყვანა სამეფოში, და ატარებს ზომებს  პროცედურებისთვის მათ შესაბამის ქვეყნებში". 


გათავისუფლებულთა შორის არიან აშშ-ის მოქალაქეები, ალექსანდერ დრუკი და ენდი ჰუენი - ეს ცნობა სააგენტო როიტერსს ოჯახის წევრმა აცნობა. ორივე მათგანი სამხედრო ვეტერანია და ისინი ივნისში ჩაიგდეს ტყვედ, აღმოსავლეთ უკრაინაში, რუსეთის შეჭრის მოგერიების პროცესში უკრაინის ძალების მხარდასაჭერად ბრძოლის დროს.