მედია: ევგენი პრიგოჟინმა გააკრიტიკა რუსი ოლიგარქები და ისინი რუსეთის ფედერაციაში სრული მობილიზაციის თავიდან აცილებაში დაადანაშაულა
„ვაგნერის“ PMC-ის დამფუძნებელმა ევგენი პრიგოჟინმა გააკრიტიკა რუსი ოლიგარქები და ისინი რუსეთის ფედერაციაში სრული მობილიზაციის თავიდან აცილებაში დაადანაშაულა.
ანალიტიკოსები აღნიშნავენ, რომ პრიგოჟინმა 31 ოქტომბერს ღიად განაცხადა: „სანამ ბავშვები არ წავლენ საბრძოლველად, ქვეყანაში სრული მობილიზაცია არ იქნება“.
ანალიტიკოსები აღნიშნავენ, რომ პრიგოჟინი დიდი პოპულარობით სარგებლობს რუსეთში და თავს პოლიტიკურ ძალად აყალიბებს. მან უკვე დაიწყო რუსული ელიტის წრეებში პოლიტიკური ოპონენტების გაკრიტიკება.
ექსპერტები არ გამორიცხავენ, რომ მაღალი რეიტინგიდან გამომდინარე, ვაგნერის დამფუძნებელმა ადრე თუ გვიან საკუთარი პარტია შექმნას. ახლა კი პრიგოჟინმა ადგილობრივ ჩინოვნიკებზე თავდასხმა დაიწყო.
კერძოდ, მან მიმართა რუსეთის ფედერაციის გენერალურ პროკურატურას სისხლის სამართლის საქმის აღძვრის მოთხოვნით. მისი თქმით,სანქტ-პეტერბურგის გუბერნატორი ალექსანდრე ბეგლოვი სახელმწიფო ბიუჯეტის გაძარცვას აპირებდა.
„პრიგოჟინი აცხადებდა, რომ ბეგლოვის კრიმინალური ქსელი აპირებდა სახელმწიფო ბიუჯეტის გაძარცვას და კორუმპირებულთა გამდიდრებას. ის, სავარაუდოდ, იყენებს ბეგლოვისა და სხვა სანქტ-პეტერბურგელი პოლიტიკოსების კრიტიკას საკუთარი რეპუტაციის გასაძლიერებლად, – ნათქვამია ინფორმაციაში.
ომის შემსწავლელ ინსტიტუტს, ასევე, აცნობებს, რომ პოლიტიკოსებზე თავდასხმების პარალელურად, პრიგოჟინი სანქტ-პეტერბურგში „ვაგნერის PMC ცენტრს“ ქმნის, რომელიც 4 ნოემბერს გაიხსნება.
„მან ცენტრის შექმნის შესახებ არ შეატყობინა პეტერბურგის ადმინისტრაციას, რადგან ადგილობრივი ხელისუფლება არ არის საკმარისად წარმომადგენლობითი სტრუქტურა, რომ ჩაერიოს PMC „ვაგნერის“ მუშაობაში“, – აცხადებენ ანალიტიკოსები
სხვათა შორის, პრიგოჟინმა წამოიწყო მთელი ეს საქმიანობა, მიუხედავად იმისა, რომ PMC აკრძალულია რუსეთის კანონმდებლობით.