ბრიტანეთის თავდაცვის სამინისტრო: „ვაგნერის“ დამფუძნებელი ევგენი პრიგოჟინი რუსეთის ეროვნული უსაფრთხოების სისტემაში ავტორიტეტისთვის იბრძვის
რუსული კერძო სამხედრო კომპანიის „ვაგნერის“ დამფუძნებელი ევგენი პრიგოჟინი ცდილობს გაზარდოს თავისი ავტორიტეტი ეროვნული უსაფრთხოების სისტემაში, – ამის შესახებ ბრიტანეთის თავდაცვის სამინისტრო იუწყება.
ევგენი პრიგოჟინმა 23 ოქტომბერს განაცხადა, რომ ვაგნერის ძალები დღეში 100-200 მეტრით წინ მიიწევენ, რაც მისი თქმით, ნორმალურია თანამედროვე ომისთვის.
„თუმცა, სამხედრო დაზვერვის თანახმად, რუსული სამხედრო დოქტრინის მიხედვით, რუსეთის არმია ნებისმიერ პირობებში დღეში 30კმ-ით უნდა დაწინაურდეს. თებერვალში რუსული ჯარები გეგმავდნენ ერთი თვის განმავლობაში 1000 კილომეტრის სიღრმეზე წინსვლას უკრაინის ტერიტორიაზე. სექტემბერში კი უკრაინულმა ძალებმა დღე-ღამეში 20 კილომეტრზე მეტ წინსვლას მიაღწიეს“, – აცხადებენ ბრიტანულ დაზვერვაში.