კადიროვის ცოლი გახდა პირველი მფლობელი აღდგენილი ტიტულისა "გმირი დედა"
რუსეთის პრეზიდენტმა ვლადიმირ პუტინმა "გმირი დედის" წოდება მიანიჭა ჩეჩნეთის ლიდერის, რამზან კადიროვის ცოლს. მედნი კადიროვა გახდა რუსეთის პირველი ქალი, რომელსაც ეს ტიტული ერგო. წოდება განსაზღვრულია ქალებისთვის, რომლებიც ათ და მეტ შვილს გააჩენენ და გაზრდიან.
საპატიო წოდების მეორე ლაურეატი გახდა ოლგა დიახტერენკო, იამალ-ნენთა ავტონომიური ოლქიდან.
ტიტულის მინიჭებისას დედები იღებენ ერთჯერად თანხას 1 მილიონი რუბლის (დაახლოებით $ 16 500) ოდენობით, ისევე, როგორც სიგელს და "გმირი დედის" ორდენს.
"გმირი დედის" წოდება, თავის დროზე, 1944 წლის ივლისში, საბჭოთა კავშირში შემოიღეს, მეორე მსოფლიო ომის შემდეგ მოსახლეობის ზრდის წახალისების მიზნით. "გმირი დედის" წოდება საბჭოთა კავშირში 430 ათასამდე ქალს ჰქონდა მინიჭებული, უკანასკნელი დაჯილდოება გაიმართა 1991 წლის 14 ნოემბერს.
2022 წლის 1 ივნისს - ბავშვთა დაცვის დღეს - მრავალშვილიან ოჯახებთან შეხვედრაზე პუტინი გამოვიდა "გმირი დედის" წოდების აღდგენის წინადადებით, ხოლო შესაბამის ბრძანებას 15 აგვისტოს მოაწერა ხელი.