ჰააგის სასამართლომ რეისის MH17-ის ავიაკატასტოფაზე განაჩენი გამოაცხადა
ჰააგის სასამართლომ დადგინა, რომ 2014 წელს „ბოინგის“ რეისი MH17 „Бук"-ის საჰაერო თავდაცვის სისტემის მეშვეობით ჩამოაგდეს. სასამართლომ გადაწყვეტილება დღეს 17 ნოემბერს გამოაცხადა.
ამასთან სასამართლომ დამნაშავედ ცნო რუსეთის ორი და უკრაინის ერთი მოქალაქე 2014 წლის ივლისში დონბასის ცაში მალაიზიური ბოინგის ჩამოვარდნაში მონაწილეობისთვის.
ესენი არიან რუსეთის მოქალაქე იგორ გირკინი (სტრელკოვი) - დონეცკის ე.წს სახალხო რესპუბლიკის თავდაცვის მინისტრი 2014 წლის ზაფხულისთვის, ამჟამად პენსიაზე მყოსი ეფესბეს ოფიცერი.
რუსეთის მოქალაქე სერგეი დუბინსკი, 2014 წლის ზაფხულისთვის, რუსეთის სამხედრო დაზვერვის გადამდგარი უფროსი ოფიცერი.
უკრაინის მოქალაქე ლეონიდ ხარჩენკო, 2014 წლის ზაფხულში, დნრ-ს არმიის სამხედრო დაზვერვის ქვედანაყოფის მეთაური.
ხოლო რუსეთის მოქალაქე, ბრალდებული ოლეგ პულატოვი, რომელიც 2014 წლის ზაფხულში რუსეთის საჰაერო სადესანტო ძალების რეზერვის პოდპოლკოვნიკი იყო სასამართლომ გაამართლა.
სასამართლომ განაცხადა, რომ გირკინმა, დუბინსკიმ და ხარჩენკომ მნიშვნელოვანი როლი ითამაშეს მარშრუტის კოორდინაციაში, „Бук"-ის ტრანსპორტირებასა და დაცვაში. ამავდროულად, სასამართლო დაეთანხმა გამოძიების დასკვნებს, რომ რაკეტის გაშვებაში პირადად არც ერთ მსჯავრდებულს არ მიუღია მონაწილეობა.
სასამართლოს თანახამდ ბონგი ჩამოაგდეს უკრაინის აღმოსავლეთით, პერვომოისკის რაიონის სიახლოვეს მდებარე ქალაქ სნეჟნოეს მახლობლად არსებული ფერმიდან გასროლილი „Бук"-ის რაკეტით. იმჟამად ეს ტერიტორია თვითგამოცადებული დონეცკის სახალხო რესპუბლიკის კონტროლს ექვემდებარებოდა.
მოსამართლის განცხადებით. საქმის მასალებიდან შეუძლებელი იყო იმის დადგენა, ვინ მისცა ეკიპაჟს რაკეტის გაშვების ინსტრუქცია და როგორ მოხდა ეს.
სასამართლო მიიჩნევს, რომ თვითმფრინავის ვარდნის მომენტისთვის რუსეთი ეფექტურ კონტრლოს ახორციელებდა დონეცკის ე.წ. სახალხო რესპუბლიკის ხელმძღვანებსა და მათ მხარდამჭერებზე.
2014 წლის 17 ივლისს „ბოინგი“ (რეისი MH17) ამსტერდამიდან კუალა-ლუმპურში მიფრინავდა, როცა მან დონბასში განიცადა კატასტროფა. დაიღუპა თვითმფრინავში მყოფი 298-ვე ადამიანი - ათი სახელმწიფოს მოქალაქეები. მათი უმრავლესობა ნიდერლანდელები იყვნენ.
ავიაკატასტროფამდე რამდენიმე თვით ადრე რუსეთმა უკრაინის კუთვნილი ყირიმის ანექსია მოახდინა და გააძლიერა აღმოსავლეთ უკრაინელი სეპარატისტების დახმარება.
საერთაშორისო საგამოძიებო ჯგუფის თანახმად, MH-17 ჩამოაგდეს რაკეტით, რომელიც რუსეთის კონტროლქვეშ მყოფმა სეპარატისტებმა ისროლეს.
ნიდერლანდელმა პროკურორებმა სამუდამო პატიმრობა მოითხოვეს ოთხი რუსისა და ერთი უკრაინელისთვის, რომლებსაც მალაიზიის ბოინგის ჩამოგდებაში ედებათ ბრალი. მათ შორისაა რუსეთის არმიის ყოფილი ოფიცერი, რომელიც თვითმფრინავის ჩამოგდების პერიოდში რეგიონში ხელმძღვანელობდა მთავარი სადაზვერვო სამმართველოს ჯგუფს. მოსკოვი კატეგორიულად უარყოფს ავიაკატასტროფასთან კავშირს.
ავიაკატასტროფის შემდეგ დასავლეთმა გაამკაცრა მოსკოვის მიმართ პოლიტიკა და გააძლიერა უკრაინის მხარდაჭერა. რუსეთსა და უკრაინას შორის კონფრონტაცია მრავალ წელს გრძელდებოდა, სანამ მიმდინარე წლის თებერვალში რუსეთის პრეზიდენტმა ვლადიმირ პუტინმა ათეულობით ათასი ჯარისკაცი გაგზავნა უკრაინაში ე.წ. „სპეციალური სამხედრო ოპერაციისთვის“.