ფიზიკური და სიტყვიერი დაპირისპირება ბათუმში (ვიდეო)
ფიზიკური და სიტყვიერი დაპირისპირება მოხდა ბათუმში, ახალი ბულვარის მიმდებარედ არსებულ საცხოვრებელ კომპლექსში.
ადგილობრივი მედიის ცნობით, კონფლიქტი სამი დღის განმავლობაში ელექტროენერგიის გათიშვამ გამოიწვია.
მოქალაქეები აცხადებენ, რომ კორპუსში ბუნებრივი აირი არ არის და ისინი მთლიანად ელექტროენერგიაზე იყვნენ დამოკიდებული.
როგორც აჭარა•News წერს, გაირკვა, რომ დეველოპერს ენერგოკომპანიის დავალიანება აქვს, რაც დენის გათიშვის მიზეზი გახდა.
არსებული ინფორმაციით, დაპირისპირებისას ერთი ადამიანი დაშავდა. ადგილზე მობილიზებული იყვნენ საპატრულო პოლიციის და სასწრაფო დახმარების ეკიპაჟები.