რუსული ტელეგრამ არხი: კადიროვი ამზადებს ძალებს აფხაზეთში გადასასროლად
0
ჩეჩნეთის ლიდერთან, რამზან კადიროვთან დაახლოებული წყაროს ინფორმაციით, მან მოსკოვიდან ბრძანება მიიღო აფხაზეთში 700-800 მებრძოლის გადასროლის შესახებ. ამის შესახებ ტელეგრამ არხი „კრემლის საიდუმლოები“ იუწყება.
ამ ინფორმაციის მიხედვით, კადიროვის ძალებმა აფხაზეთში რეფერენდუმის ჩატარების დროს კონტროლი უნდა უზრუნველყონ. ტელეგრამ არხი უკვე იუწყებოდა, რომ რუსეთს აფხაზეთის მიერთება სურს. რაც შეეხება ე.წ. სამხრეთ ოსეთს, ის ნაწილობრივ აღიარებულ რესპუბლიკად დარჩება.
ტელეგრამ არხი იუწყება, რომ ეს როლი კადიროვს იმის გამო დააკისრეს, რომ ევგენი პრიგოჟინის ამბოხების დროს რამდენიმე რუსულმა ძალოვანმა უწყებამ სრული იმპოტენცია გამოავლინა.