ლინდსი გრემი მედვედევის განცხადებაზე: დროა, გამოფხიზლდეთ, გააცნობიეროთ, რომ თქვენი ბარბაროსული შეჭრა უკრაინაში არ მუშაობს
0
ამერიკელი რესპუბლიკელი სენატორი ლინდსი გრემი რუსეთის უშიშროების საბჭოს თავმჯდომარეს დმიტრი მედვედევს განცხადებას გამოეხმაურა, სადაც იგი უკრაინის წინააღმდეგ ბირთვული იარაღის გამოყენებით იმუქრებოდა.
მისი თქმით, უკრაინაში რუსეთის მიერ ბირთვული იარაღის გამოყენება ნატოზე თავდასხმა იქნება.
„ჩემს რუს მეგობრებს, რომლებიც საუბრობენ უკრაინაში ბირთვული იარაღის გამოყენებაზე: თქვენ უნდა გესმოდეთ, რომ ეს იქნება თავდასხმა ნატოზე, უკრაინის ნატოს ტერიტორიასთან სიახლოვის გათვალისწინებით.
დროა, გამოფხიზლდეთ, გააცნობიეროთ, რომ თქვენი ბარბაროსული შეჭრა უკრაინაში არ მუშაობს, გაიყვანეთ და გადაარჩინეთ ბევრი რუსი ახალგაზრდა უაზრო სიკვდილისგან“, – აღნიშნა ლინდსი გრემმა.