რუსული დრონებით შეტევა იყო კიევსა და ნიკოლაევზე, არიან დაჭრილები
რუსეთის ჯარებმა უპილოტო საფრენი აპარატებით უკრაინაზე მორიგი იერიში მიიტანეს. კიევსა და ნიკოლაევში არიან დაჭრილები. დანგრეული და დაზიანებულია სახლები.
ადგილობრივი ხელისუფლების ინფორმაციით, ქალაქ ნიკოლაევზე შეტევა 10 აპრილს, ღამის სამი საათისთვის დაიწყო. საოლქო-სამხედრო ადმინისტრაციის ცნობით, დრონების ნამსხვრევების ჩამოცვენისა და აფეთქების ტალღის შედეგად დაზიანებულია 9 მრავალბინიანი სახლი და ადმინისტრაციული შენობა. დაიჭრა 10 ადამიანი.
უკრაინის დედაქალაქ კიევში, სულ მცირე, ორი ადამიანი დაშავდა. ამის შესახებ დღეს დილით იუწყება საქალაქო-სამხედრო ადმინისტრაცია. მისი ინფორმაციით, კიევის დარნიცკის რაიონში დანგრეულია კერძო სახლი, გოლოსეევსკის რაიონში ხანძარი გაჩნდა საწყობების ტერიტორიაზე.