Талдықорғандағы жол жөндеу жұмыстары cынға алынды
ТАЛДЫҚОРҒАН.ҚазАқпарат - Бүгін Алматы облысы әкімінің орынбасары Айдарбек Байжанов Талдықорған қаласындағы Шевченко көшесінің Құрманов көшесінен Қабанбай көшесіне дейінгі бөлігінде ұзаққа созылып кеткен жол жөндеу жұмыстарының барысын аралап көрді. Сол орында мердігер компаниялар «АРС-1» және «ТурГаз» ЖШС-ларының өкілдерімен жедел жиын өткізді. Айдарбек Байжанов жөндеу жұмыстарының барысын сынға алды, деп хабарлайды ҚазАқпарат тілшісі.