Мінсіз мүсін үшін мына қағидаларды ұстану керек

Мінсіз, сұлу мүсін үшін қандай диетаны ұстану керек? Көптеген ару диетаны аштықпен байланыстырады. Шын мәнінде диета дегеніміз – дұрыс тамақтану салты.

1. Таңғы ас тойымды болу керек. Алайда үйреншікті «сүтті тамақ» туралы ұмытуға тура келеді. Себебі сүттің құрамында ішімізге май болып жиналуға септігін тигізетін қант көп. Қарақұмық, зығыр, арпа ботқаларын жеуіңізге болады. Оларға дәм беру үшін құрғақ жидектерді қосыңыз. 200 гр ботқаны мейіз бен табиғи шырынмен ішуіңізге болады.

2. Баяу көмірсу – диетаның негізін құрайды. Гликемиялық индекстер немесе Кето диетасының арнайы кестесіне қарап, мынадай гарнир таңдауыңызға болады: қарақұмық, тазармаған күріш, жабайы күріш, жасымық, фасоль, күріш кеспесі. Ақ күріш жайлы ұмытуыңызға тура келеді. Сондай-ақ сушиден де бас тартуыңыз керек. Ол тек салмақ жинауға көмектеседі.

3. Мәзірде міндетті түрде балық, ет пен теңіз өнімі болуы керек. Бұлар бұлшық етті «нәрлендіріп», аштық сезімін басатын аминоқышқыл мен ақуызға бай. Асшаян, кальмар, тауық секілді майлы емес тағамдарды жиі жеу керек. Ал етті буға пісіріп жеген абзал. Кептірілген ет, шұжық туралы ұмытыңыз.

4. Өсімдік майының көп болғаны абзал. Майлы етті тағамның орнын өсімдік майымен басыңыз. Мысалы, кешкі асқа зәйтүн майымен тұздалған ақуыз, асшаян, салат жапырақтарынан салат жасап жеуіңізге болады.

5. Сүтті тағамдарды мұқият таңдау керек. Майсыз сүзбені ғана жеуге болады.

6. Қанттан бас тартыңыз. Қанша жерден жаттығып, жүгірсеңіз де, қант көмірсуды майға айналдырады. Сондықтан одан түбегейлі бас тартуыңыз керек. Тәттіден тек бао мен 70 пайыз какаодан жасалатын ащы шоколад жеуге болады.

7. Тоқаш наннан бас тартыңыз. Қатты тартылған ұннан жасалған нан, қара нанды ғана жеуге болады. Ашытылған қамырдан жасалған тағамдар, торт, бәліш секілді тәтті нандарды мәзіріңізден шеттетіңіз.

8. Майонез, кетчуп, соус секілді улы тағамдардан да бас тартуыңызға тура келеді. Олардың орнын соя соусы, лимон шырыны, алма сіркесуы баса алады. Сондай-ақ осы арада газдалған сусындар, қытырлақ тоқаштар, чипс, тәтті және тұзды жаңғақтардың дене сымбатына зияны туралы айта кетейік. Жаңғақтан тек тұзды емес арахис, миндаль мен фундукты ғана жеуге болады.

9. Картоп, сәбіз, жүзім мен құрма секілді крахмалды көкөністер мен тәтті жемістерді де жеуге болмайды. Себебі крахмал ауыр қорытылады.

Дереккөз: massaget.kz 

Сообщение Мінсіз мүсін үшін мына қағидаларды ұстану керек появились сначала на ZhambylNews АҚПАРАТ АГЕНТТІГІ.