ҮКІМЕТ АПТАЛЫҒЫ: Сел тасқынынан зардап шеккендерге барлық қажетті көмек көрсетіледі – Б. Сапарбаев
АСТАНА. ҚазАқпарат - Осы аптаның басты оқиғасы Алматыдағы төтенше жағдай болды. 23 шілде, бейсенбі күні түнгі сағат үштерде толассыз жауған жаңбырдан Қарғалы жəне Қарағайлы өзендерінің деңгейі бір метрге көтерілген. Осының салдарынан Алматы қаласының жоғары жағындағы Наурызбай ауданының бірнеше елді мекенін лай су басып қалды. Абырой болғанда қаза тапқандар жоқ, дегенмен көптеген адамдар зардап шегіп, үй-күйсіз қалды. Олар сел баспаған жерлердегі мектептерге орналастырылып, материалдық-рухани көмек алды.