Алматыда қаңырап қалған дәмханадан өрт шықты
ТЖД мәліметінше, Алматыда Навои көшесіндегі қаңырап қалған "Бунгало" дәмханасы өртеніп жатыр, - деп хабарлайды Tengrinews.kz тілшісі.
Өрт сағат 19.40 шамасында басталды. Оқиға орнына өрт сөндірушілер келді.
"Алматы ТЖД қызметкерлері Бостандық ауданы, Үлкен Алматы өзенінің бойында қаңырап бос қалған "Бунгало" дәмханасының жазғы алаңындағы өртті дер кезінде сөндірді", - деп хабарлады ведомство.
Айта кетейік, бұған дейін Алматы орталығында өрттен шыққан қою түтін тұрғындарды үрейлендіргені хабарланған болатын. 17 қыркүйекте түстен кейін Назарбаев даңғылы мен Қабанбай батыр көшелерінің қиылысы маңында қою түтін шығып жатқаны байқалған. Полиция алаңды қоршап, жаяу жүргіншілер мен көліктер қозғалысын шектеген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!