Тұман, көктайғақ: 11 қаңтар күнгі ауа райы болжамы
НҰР-СҰЛТАН. ҚазАқпарат - 11 қаңтар күні Қазақстан аумағының басым бөлігі ауқымды антициклон ықпалында болады. Осыған орай жауын-шашынсыз күн райы күтіледі. Республиканың тек батысы мен шығысында жаңбыр мен қар түрінде жауын болжанады. Елдің жекелеген өңірлерінде тұман, көктайғақ, екпінді жел, жаяу бұрқасын болады. ҚазАқпарат бұл туралы «Қазгидромет» РМК-ға сілтеме жасап хабарлайды.