Ақмола облысында Eolus компаниясының қызметін ҚМА тергеп жатыр
ҚМА Ақмола облысы бойынша департаменті қаржы пирамидасының белгілері бар Eolus инвестициялық жоба бөлімшесінің қызметіне тосқауыл қойды, - деп хабарлайды Tengrinews.kz тілшісі.
Аталған компания үш ай бойы салымшыларды тарту мақсатында өз қызметін жасаған.
"Eolus өзін шет елдерде орналасқан жаңартылатын энергия көздерін, жел электр генераторларын енгізумен айналысатын компания ретінде көрсетті. Бұл жобаны ұйымдастырушылар өз бизнесінің жоғары табыстылығы туралы презентациялар жасай отырып, азаматтарды салым сомасының 3 пайыз көлемінде пассивті күнделікті кіріс алуға уәде бере отырып, ақша салуға сендірді", - делінген хабарламада.
Аталған факт бойынша соталды тергеу басталды. ҚР ҚПК 201-бабына сәйкес өзге де мәліметтер жарияланбайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!