Ақтөбеде газ құбырында болған апат себебі аталды
"ҚазТрансГаз Аймақ" компаниясының қоғаммен байланыс бөлімі Ақтөбеде газ шығуының егжей-тегжейін айтты, - деп хабарлайды Tengrinews.kz тілшісі.
Компания 9 қазанда кешке апаттық-диспетчерлік қызметке "Береке" тұрғын алабында газ шығуы мүмкін екені туралы хабарлама түскенін хабарлады. Сол күні газдың шығуы жойылған. Компания оқиғаның себебін жариялады.
"Газ реттеу пунктінің (ГРП) алдындағы конденсат коллекторында жоғары қысымды газ құбырында жарық пайда болып, газ шыққан. Газ құбыры Ақтөбе қаласының тұрғын үй-коммуналдық шаруашылығының балансында. Апат болған кезде және газ шыққаны анықталған уақытта Ақтөбеге газ құбыры басқа газ құбырларымен жалғанғандықтан, газбен жабдықтау үзілген жоқ.
Ресми мәлімет бойынша, жеке мердігер компания салған газ құбырының учаскесі кепілдікте тұр. Қазіргі уақытта барлық ақтөбелік абоненттер газды тұтынады", - деп атап өтті компания.
Сілтемесіз жаңалық оқисыз ба? Онда Telegram желісінде парақшамызға тіркеліңіз!