Сот Салтанат Нүкенованың ар-намысына нұқсан келтіретін ақпарат таратқан блогерге қатысты шешім шығарды
Алматы қаласының Бостандық аудандық соты Салтанат Нүкенованың ағасы Айтбек Амангелдінің ар-намысы мен қадір-қасиетін қорғау туралы талабы бойынша Антон Бударовқа қатысты азаматтық істі қарады. Адвокаттың айтуынша, 20 мамыр күні сот блогерге қатысты шешім шығарды.
"Бударов Антон Юрьевич көпшіліктің алдында үндеу жасау арқылы өзі таратқан ақпаратты жоққа шығаруға міндеттелді. Сонымен қатар сот шығындарына жұмсалған 650 мың теңгені Амангелді Айтбекке өндіруі керек", - дейді адвокат.
Антон Бударов өз парақшасында Салтанат Нүкенованы қаралап, оны өзін кінәлап жазба жазған.
"Бишімбаевқа қатысты қылмыстық іспен бірге Салтанатты жамандағысы келген көптеген хейтерлер де пайда болды, осындай хейтерлердің бірі - блогер Бударов Антон. Ол оны қиялы жеткенше қаралады", - дейді Ишмамбетов.
Посмотреть эту публикацию в Instagram
Публикация от Адвокат Дамир Ишмаметов (@advokat_damir_ishmametov)
Сілтемесіз жаңалық оқисыз ба? Онда Telegram желісінде парақшамызға тіркеліңіз!