Алматыдан жерді жалға алғаны үшін АҚШ Қазақстанға қанша төлейді?
Сыртқы істер министрінің бірінші орынбасары Ақан Рахметуллиннен АҚШ Алматыда жаңа консулдық салу үшін жалға алған жерге қанша төлейтіні сұралды, - деп хабарлайды Tengrinews.kz тілшісі.
СІМ өкілінің айтуынша, АҚШ қазақстандық тарапқа жалға алу ақысы ретінде 25 301 016 доллар төлейді. Жалға беру мерзімі 49 жыл.
"Егер қосымша шешімдер қабылданбаса, бұл мерзім әр 49 жыл сайын ұзартылып отырады. Төлем бір реттік тәртіппен жасалады", – деді Ақан Рахметуллин Мәжіліс кулуарында.
Оның айтуынша, бұл қаражат заңнамалық түзетулер күшіне енгеннен кейін 30 күн ішінде бірден аударылады.
Бүгін Мәжіліс депутаттары АҚШ-пен Алматыда консулдық салу үшін жер телімін беру туралы келісімді ратификациялады. АҚШ 70 593 шаршы метр жерді 49 жылға жалға алады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!