“ҚТЖ-Жүк тасымалы“ Қожамжаровтың компаниясымен сөз байласқан - БҚДА
Бәсекелестікті қорғау және дамыту агенттігі HILL Corporation ЖШС мен "ҚТЖ-Жүк тасымалы" ЖШС арасындағы бәсекелестікке қарсы келісімді анықтады, - деп хабарлайды Tengrinews.kz тілшісі.
"Тергеп-тексеру барысында "ҚТЖ-ЖТ" локомотивтерге арналған мотор майларын сатып алу кезінде әлеуеті жететін жеткізушілерді лайықты көрмей, арнайы шарттар қолданғаны белгілі болды. Бұл олардың сатып алу конкурстарына қатысуына кедергі келтіріп, бастапқыдан-ақ HILL Corporation компаниясының мүддесіне жұмыс істеуіне бағытталған әрекеттерді айқындады", - делінген хабарламада.
БҚДА жүргізген тергеп-тексеру нәтижелеріне қатысты компания сотқа шағымданған болатын. Алайда, 2025 жылғы 11 наурыздағы Жоғарғы Сот қаулысына сәйкес, жергілікті соттардың "HILL Corporation" ЖШС мен "КТЖ-Жүк тасымалдау" ЖШС қатысты агенттік тергеп-тексеруінің заңды екені туралы шешімдері өз күшіне енді.
Локомотивтерге арналған мотор майларын жеткізу саласында анықталған бәсекелестікке қарсы келісімнің жалпы сомасы 12 миллиард теңгеден асқан.
Forbes мәліметінше, Hill Corporation ЖШС иесі - бұрынғы сенатор және бас прокурор болған Қайрат Қожамжаровтың ағасы Дулат Қожамжаров.
Сілтемесіз жаңалық оқисыз ба? Онда Telegram желісінде парақшамызға тіркеліңіз!