WhatsApp неге аккаунтыңызды жоюы мүмкін?

WhatsApp пайдаланушылардың қауіпсіздігін қамтамасыз ету, деректерді сақтау шегін белгілеу және құпиялылықты қорғау мақсатында кейбір аккаунттар жойылуы мүмкін, - деп хабарлады Tengri Life.
WhatsApp мәліметінше, есептік жазбаны жоюдың негізгі себептерінің бірі – ұзақ уақыт бойы белсенді болмау. Егер 120 күн бойы WhatsApp-қа кірмесеңіз, жүйе бұл профильдің қажетсіз екенін анықтап, оны өшіреді.
Есептік жазбаның жойылуын болдырмау үшін кез келген әрекетті орындау қажет:

хабарлама жазу;қоңырау шалу;профиль суретін өзгерту.

Тек қосымшаны ашу жеткіліксіз – интернетке қосылу маңызды. Егер WhatsApp-ты ашсаңыз, бірақ интернетке қосылмасаңыз, бұл белсенділік ретінде есептелмейді.
Есептік жазбаның жойылғанын қалай білуге болады? "WhatsApp профилі автоматты түрде жойылды" деген хабарлама пайда болуы мүмкін. Профиль суретіңіз жоғалады.WhatsApp-та сақталған контактілер өшіріледі.
Дегенмен, телефоныңызда сақталған чаттар мен медиафайлдар жойылмайды, егер қосымшаны өзіңіз өшірмесеңіз. Егер сол құрылғыда қайта тіркелсеңіз, барлық деректер қалпына келеді.
WhatsApp есептік жазбаңызды сақтау үшін интернетке қосылып, анда-санда қосымшаны пайдаланып отыру керек.