Қазақстан «Бәйтерек» ғарыш зымыран кешеніне қатысты хаттаманы ратификациялады

Мемлекет басшысы «2004 жылғы 22 желтоқсандағы Қазақстан Республикасының Үкіметі мен Ресей Федерациясының Үкіметі арасындағы «Байқоңыр» ғарыш айлағында «Бәйтерек» ғарыш зымыран кешенiн құру туралы келісімге өзгерістер енгізу туралы хаттаманы ратификациялау туралы» Қазақстан Республикасының Заңына қол қойды.

— Аталған заң мәтіні баспасөзде жарияланады, — деп жазды Ақорданың ресми сайты.

Бұған дейін хабарланғандай, ғарыштық зымыран кешенінің құрылысы «Зенит-М» кешенінің инфрақұрылымы негізінде жүргізілуде. Жоба жаңа «Союз-5» зымыран тасығыштарын ұшыруға арналған. 2018 жылы ресейлік тарап жалға беруден шығарғаннан кейін нысанды қазақстандық мамандар пайдалануда.

Құрылысты аяқтау 2028 жылдың мамырына жоспарланған, ал алғашқы ұшу сынақтарын 2025 жылы бастау көзделіп отыр.

Сенат «Бәйтерек» ғарыш кешенінің жұмысына қатысты құжатты мақұлдады.

Сообщение Қазақстан «Бәйтерек» ғарыш зымыран кешеніне қатысты хаттаманы ратификациялады появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.