Түркияның медициналық турзим саласынан не үйренуге болады?
АСТАНА. ҚазАқпарат - Озық елдердің көбі қатты дамытқан бағыттың бірі - медицина, соның ішінде, медициналық туризм. Қазір әлемнің 50 елі бұл бағыттың дамуын мемлекеттік саясатпен бір деңгейге қояды. Ал, ҚР Денсаулық сақтау және әлеуметтік даму министрлігінің зерттеуі - Қазақстанға келіп емделу Еуропаға барып ем іздеуден әлдеқайда арзан екенін көрсеткен. Әрине, бұл ретте, медициналық қызметтердің түрін, сапасы мен соңғы нәтижесін де ескеру керек. Жалпы, медициналық турзим - Қазақстанның енді-енді білек сыбана кіріскен саласы болғандықтан, халықаралық тәжірибені ескеру, медицина бойынша берік серіктестеріміздің сын-пікірін тыңдау өте өзекті.