Елордада апта сайынғы ауыл шаруашылық жәрмеңкесі өтіп жатыр
АСТАНА. ҚазАқпарат - Астанада ауыл шаруашылық жәрмеңкелер маусымы басталды, онда қала тұрғындары отандық өнімдерді төмендетілген бағамен сатып ала алады. «Думан» ОСО алдында елордалық, Ақмола және Қарағанды облыстарынан 150 жуық жеткізуші азық-түлік өнімдерін ұсынады. Ал 29 сәуірден бастап әлеуметтік маңызды тауарларды Қ. Мұңайтпасов атындағы Орталық стадионның жанынан да сатып алуға болады, деп хабарлады қалалық әкімдіктің баспасөз қызметі.