Шымкентте жасөспірімдер спорт лигасы құрылады
ШЫМКЕНТ. ҚазАқпарат - Шымкентте жастар арасындағы қылмыс пен құқықбұзушылық деңгейін төмендетудің бірден-бір жолы - салауатты өмір салтын қалыптастыру және бұқаралық спортты дамыту. Қала әкімдігінің кезекті мәжілісінде шаһар басшысы Ғабидолла Әбдірахымов осылай деді. Әкім сонымен қатар спорттық ойын түрлерінен жастар спорт лигасын құруды ұсынды, деп хабарлайды ҚазАқпарат ХАА тілшісі.