Футбол-2018: Орусия менен Хорватиянын беттеши 7-июлда болот
Муну менен Орусия курамасы совет мезгилинен бери алгачкы жолу футбол боюнча дүйнө биринчилигинин чейрек финалына чыкты.
Испаниялыктар оюндун алгачкы мүнөттөрүнөн баштап эле алдыда болуп, 12-мүнөттө орусиялыктардын коргоочусу Сергей Игнашевич Серхио Рамоско каршы күрөштө катачылык кетирди. Ал өз дарбазасына гол киргизип алса, Артем Дзюба 42-мүнөттө он бир метрлик айып соккуну тээп, эсепти теңеди. Жеңүүчүнү аныктоо үчүн пенальти болуп, анда Орусиянын командасы 4:3 эсебинде ийгиликке жетти.
Эми орусиялыктар чейрек финалда 1/8 финалдык беттешинде Данияны жеңген Хорватия менен ойнойт. Оюндар 7-июлда Сочиде болот. Хорватиялыктар дагы 1/8 финалда Дания менен ойноп негизги жана кошумча убакытта 1:1 эсебинде тең чыккан. Кийин пенальти тебүүдө 3:2 эсебинде жеңишти колго алышты.