Чехия коррупцияга айыпталган казак жаранын өз мекенине өткөрүп берди
"Чаплинский 2007-жылы Балкаштагы мектеп курулушуна бөлүнгөн 39 миллион теңгени (115 000 АКШ доллары) уурдап алган деп шектелүүдө" деп билдирди Казакстандын Башкы прокуратурасы.
Ал кылмыш иши козголгондон кийин өлкөдөн чыгып кетип, эл аралык издөө жарыяланган. Казакстан Чаплинскийди өткөрүп алууга жети жылдан бери аракет кылып келе жаткан жана Чехиянын Юстиция министрлиги ал өтүнүчтү канааттандырды. Владимир Чаплинский учурда Астананын тергөө абагында кармалып турат.