Чүйдөгү абакта бир жоокер автоматтан жарадар болду
Анын маалыматында айтылгандай, бул кызматтын Кайтаруу жана коштоп жүрүү департаментинин аскери М.А. бүгүн эртең менен табылган. Ага кызматташтары биринчи жардам көрсөтүп, Чүй облустук ооруканасына жаткырышкан. Мекеме дарыгерлерге таянып билдиргендей, ага операция жасалган, абалы оор.
Окуя болгон жерге ЖАМКтын ыкчам-иликтөө тобу жана Бишкек гарнизонунун аскердик прокуратурасынын өкүлдөрү барышкан. Тергөө уланууда. Окуянын себептери такталып жатат.
Ушуга окшош эле окуя июнь айынын башында Жаңы-Жер айылындагы №19 түзөтүү колониясында да болгон. 18 жаштагы кароолчу кезмет учурунда АК-74 автоматы менен өзүн өзү атып алган. ЖАМКтын маалыматына ылайык, тергөө бул фактыны суицид деп жыйынтык чыгарган. (ErN)