Инвестор болгусу келген мигранттарга жеңилдик берүү сунушталды
27-июнда Орусияда чет өлкөлүктөрдү миграциялык каттоого алуу боюнча мыйзамга өзгөртүү киргизилген. Ага ылайык, ишке келген мигрант жашаган жеринде гана каттоого тура алат. Мурда жумуш берүүчү мигранттарды ишкананын юридикалык дарегине каттоого алса, эми ага уруксат берилбейт.
Расмий маалымат боюнча чет өлкөлөрдө 717 миң адам иштейт. Ал эми расмий эмес маалыматтар боюнча чет жерде иштеген кыргызстандыктардын саны 1 миллиондон ашуун экени айтылып жүрөт.
10-20 жылдап чет өлкөдө иштеп жүрүп, тыңыган мигранттардын ичинен Кыргызстанда бизнес-долбоорлорду издеп, инвестиция салууга кызыккандары бар. Алар кепилдик жана ишеним жоктугунан Кыргызстанга акча жумшагандан кооптоно турганын айтышат. (КЕ)