Лейлекте айылдык кеңештин ок тийген төрагасы эки жолу операция болду
Окуя 5-ноябрда түн ичинде жабырлануучунун үйүнүн алдында болгон. Белгисиз адамдар Арка-2 айылынын 32 жаштагы тургуну Кубаныч Баяновду артынан келип, мергенчилик мылтык менен атышкан. Аткан адамдар изин жашырганга үлгүргөн.
Жарадар болгон жаран коңшулаш Тажикстандын Гафуров шаарындагы ооруканасына жаткырылган. Ага барары менен бир сыйра операция жасалган. Абалы орточо оор экени кабарланган.
Факт боюнча Лейлек райондук ички иштер бөлүмү кылмыш ишин козгоп, тергөө башталган эле. Милиция иликтөө иштери уланып жатканын кабарлоодо. (MdN\ErN)