Уккан кулак сүйүнсүн
«Кыргыз хоккейчилери Орусияны багынтат» Муз үстүнө чыгып алып, башы ийри таякчалар (клюшка) менен шайба талашмай оюн — хоккей Жумгалда ойнолуп калат деп укчу элек. Анан...
Сообщение Уккан кулак сүйүнсүн… появились сначала на presskg.
«Кыргыз хоккейчилери Орусияны багынтат»
Муз үстүнө чыгып алып, башы ийри таякчалар (клюшка) менен шайба талашмай оюн — хоккей Жумгалда ойнолуп калат деп укчу элек. Анан өзүнчө федерациясы түзүлдү. Анын президенти Жакыпов Мурат Токтоназарович.
Өзү Жумгалдан экен. Кыргызстандагы хоккей тууралуу Улуттук гвардиянын подполковниги, Кыргыз Республикасынын хоккей федерациясынын президенти Мурат Жакыповго суроо узаттым.
— Мурат Токтоназарович, Кыргызстанда хоккей оюну качантан бери жандана баштаган?
— Башаты тээ совет доорунун акыркы жылдарында жанданган. Бирок, ал держава кулаган соң, оюнчулар да, бул оюн да Кыргызстанда кароосуз калып, эч көңүл бөлүнгөн эмес. Кийинчерек 1998-жылдары Кыргызстанда хоккейди Качыке Бейшен уулу деген патриот адам колго алып баштаган. Алгачкы мелдештер 2000-жылдары болгон. Андан бери областтар аралык, командалар аралык чоң мелдештер өтүп келүүдө. Азыр болсо хоккейге мамлекет да көңүл бөлүп, спорт комитетине караштуу хоккей федерациясы түзүлдү. Федерациянын ардактуу президенти Матыев Нурланбек мырза. Себеби бул адам хоккейдин Кыргызстанда өнүгүшү үчүн зор салым кошкон бирден-бир инсан.
— Бул оюн боюнча таймаштар республикалык деңгээлде өткөрүлгөнбү?
— Өткөрүлгөн. Мындан эки жыл мырда биринчилик да болгон. Эми да жакынкы күндөрдө республикалык таймаш өткөрүүнү максаттап жатабыз.
— Оюн өткөрүү үчүн өлкөбүздө атайын муз аянттар барбы?
— Атайын жасалган муз сарайлар башта жок болчу. Азыр бирин-экин бар. Бирок алар өтө чакан. Мисалы «Белый Парус». Бирок, биздин алдыда боло турган таймаш Жумгал районундагы «Шортон» хоккей муз аянтында өтөт. Ал жердин өзү да атайын хоккейге ылайыкташтырылгандай. Табият белектеп берсе керек. Анткени, ал муз аянтты эч ким даярдабайт. Ал жылда өзү тоңуп даяр болуп калат. Келечекте атайын жасалма муз аянттар курулат деген үмүт бар.
— Федерациянын бүгүнкү максаттары кандай?
— Алгачкы максаттарынын бирине азыр айткан муз аянт ордосун куруу, оюнчуларды топтоо, машыктыруу болууда. Андан кийинкисин көрө жатарбыз.
— Финансылык абалыңыздар дуруспу?
— Азырынча каржылоо баштапкы деңгээлде. Ачыгында мамлекет ушу жылдан финансы маселесин караштырат деген үмүттөбүз. Бирок, атайын демөөрчүлөрүбүз бар. Алар Эркинбек Матыев атындагы фонд, «Дордой», «Шоро», «Таттуу» өңдүү ишканалар, фирмалар, райондук, областтык спорт комитеттери, мамадминистрациялары.
— Хоккей оюну Кыргызстанда өркүндөп, эларалык, дүйнөлүк алкакка чыга алуусуна үмүт, ишеним барбы?
— «Баштаба, баштаган соң таштаба» дейт кыргыз. Хоккей да ошондой. Келечегине ишенбей туруп, төш каккан болмок беле. Келечеги эң сонун. Муну россиялык спорткомитети да таанышкан. А тургай биздин жигиттер Москвада хоккей клубдарында ойноп жүрүшөт. Мисалы, Урмат Шамырканов «Химик» клубунун эң мыкты оюнчусу. Бизде ушундай дем, күч турганда сөзсүз хоккей өнүгөт.
Маектешкен
Кубаныч ЗА?
НИДИНОВ
Сообщение Уккан кулак сүйүнсүн… появились сначала на presskg.