Аба ырайы: Кар жаайт
Кыргызгидромет кызматы билдиргендей, 9-10-11-январда түнкүсүн көпчүлүк аймактарда мезгил-мезгили менен кар жаайт. Айрым жерлерге кар калың түшөт. Жолдор тайгак, тоңголок жана кар күрткүсү болот. Батыштан соккон шамалдын ылдамдыгы айрым жерлерде секундасына 15-20 метрге жетет.
12-13-январларда абанын температурасы дагы төмөндөп, бийик тоолуу райондордогу суук түнкүсүн -30…-35 градуска чейин жетет.
9-11-январдагы жаан-чачынга байланыштуу өлкөнүн тоолуу райондорунда, Төө-Ашуу, Ала-Бел, Өтмөк ашууларында, Чычкан капчыгайында, Мырзаке-Кара-Кулжа-Алайкуу жолунун 55-107-чакырымдарында, Чапчыма ашуусунда жана Красная-Горка-Акташ жолунун 1-4-чакырымдарында кар көчкү түшүүcү жана кар күрткүсү күтүлөт, жолдор тайгак болуп, муз тоңот.
Унаалардын ортосундагы 500 метр аралык кыймыл чектелиши зарыл.
9-январда өлкөнүн көпчүлүк облустарынын тоолуу райондорунда кар жаайт. Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет.
Абанын температурасы:
Чүй өрөөнүндө түнкүсүн -3…+2, күндүз 2…7;
Талас өрөөнүндө түнкүсүн -4…+1, күндүз 1…6;
Баткен, Ош, Жалал-Абадда түнкүсүн -1…+4, күндүз 4…9;
Ысык-Көл облусунда түнкүсүн -2…-7, күндүз 2…7;
Нарындын өрөөндөрүндө түнкүсүн -13…-18, күндүз -4…-9;
Бийик тоолуу райондордо түнкүсүн -15…-20, күндүз -6…-11 градус суук.
Бишкек шаарында мезгил-мезгили менен кар жаайт. Абанын температурасы түнкүсүн 0…+2°, күндүз 4…6° болот.