Каргыш тийген алтын. Шорлордун арманы
Орусиянын Хакасия жумуриятындагы шорлор жашаган Неожиданный кыштагынын тургундары ата-бабасы байырлаган жерди колуна курал алып коргоого даяр. Өзгөчө макамы бар аймакта артелдер гектарлаган кедр токойлорун талкалап, дарыянын нугун бууп, чакырымдаган жерди аңтарып, алтын казууда. Эзелтеден шорлор табият берген ырыскы менен жашоо кечирип, экологияга эч зыян келтирген эмес.